Veizous aš i kaima babaleika
Ė matau - kap gyva - mūsa laika:
Beskobiedams par gyvēnėma smėltēlė,
Nukolniāva posė kēlė i naktēlė -
Gluostydams, pagondindams,
maloudams,
Stumdydams, priglausdams
ėr išdoudams.
Ka pavuožuoji - lyg nieka ė nėbova:
Anuo kuojė niekam neužkliova -
Vėsus kūlius ronkiuojiem mes pātis,
Diel tuo lėkuom dongaus nepamātė.
Žaidiem, dėrbuom, pykuom
ė myliejuom,
Daug kam trokdiem,
mažā kam padiejuom...
Ale nužingsniavuom lig tomsiuos naktēlės
Par smėltēlė
Da tik posė kēlė,
Katruo galė vėsė - vėsė kārto
Sosėtėksem pri vėinuodu vārtu.
Tik nuorietiuo,
Ka nuors tėn užmėrštom laika
Žemaitėjės kaima babaleika...
Komentarai
Atsiprašome: komentarus gali rašyti tik puslapio vartotojai. Registruotis
Anonimas
Sukurta: 2009-07-31 17:07:47
Nors i kulius ronkiuojuom mes patys,
Svarbu zemie bunont akis vos pastatius
Dongaus skliautus nesunke pamatius
Koram gruozi zemes mes po kuojuom patys.
Kulis-da nereisk sunkybe, nasta,
Ons jieguos, gruozybes pradis,
Pakol gyve esam-temkem velne akmenieli keita
I kekveina uzmersta kompieli
Ka saulele anam doutom sava gale,
Ka viejielis pustom i velteis netekes
Gruozi, jiega, paguonybes dvase
Duovanuotom kuoznam, kam tik velteis rek keik..
Nenuleiskem ronku, nenuleiskem akiu...
Dongus kartas artiau, negu brongus zuodis...
Siuls gyvenema-lyg vuora tinklus
rek tik slouta i ronkas nelaiku paimte...
Vartotojas (-a): giedrex26
Sukurta: 2009-02-28 10:53:58
Ka pavuožuoji - lyg nieka ė nėbova:
Anuo kuojė niekam neužkliova -
Vėsus kūlius ronkiuojiem mes pātis,
Diel tuo lėkuom dongaus nepamātė.
...iš pačios gelmės lyg atodūsis nuskambėjo...ilgesingai ir graudžiai... jausmingai ir gražiai...žemaitiška kalba tiesiog pakeri...
Vartotojas (-a): Nijolena
Sukurta: 2009-02-28 10:52:42
Daile sudieje. Tokėj dalyka nedaug kam šes laikas po galva vakšta, matytėis, ka Tamstas galva kėita.