Kuokėj  dīvā
Debeselis railiuo per dongū
Tuoks nubālės, tuoks mėnks nu rīta.
Smėlga spindoli laika ronkuos
Dėdlē šėlta, ka tik nelītom...
Nekarpītom ka žėrklės viejė
Senuos lėipas lapa mėnkiausė.
Juk žadiejė, nebus žadiejė —
Tīlē monėj, nuors ni neklausiau.
Vasarelė gielieta jopa
Gelsvuom kasuom, veiziek, palaukie —
Spindolelė soupinie sopas.
Tėik adīnū jok anuos laukiau...
Debeselis railiuo nubālės.
Kresti žemougiū prilasīta
Kuokėj  dīvā —  pri pat truobālės,
Rondu sāva onkstīva rīta.