Nerės ė Baltošis, Vėnsluova ė Korsaks –
Gerā paveiziejės rasi dā ne vėina –
Talėntingas galvasa, bet kažkas sokorstė,
Ka prīš sava tauta stuojuos aklo sėino.
 
Marksos žīda pruoto, ėšmuonė griesmingo,
Pagrindė kvailīstė, ka nebrēktom dėrbtė –
Atimk žemė, truobas ėš žmuoniū tortingu,
Ė geruovės avi bereikies tik kėrptė.
 
Eilės, stuora pruoza sokorta mūsėškiu –
Ne žmuonims, ne bruolems – Stalinou ė Sniečkou –
Dabā anus gali i kluozeta kėštė,
Ka nejauktom pruota poslaukėnems mėška.
 
Vo tuokiū pasaulie – Aprėkuo dā veisas,
Ė Venecoeluo Samadūras tipa –
Nuor i pėlva kėštė neoždėrbta maista,
Ėš duoruos i smorta krīžkelės nokrīpė.
 
Mes par omžius bovuom i debilus linkė,
Tuokėi ė palėksem, tuokėi ė nospruogsem –
Žmuoniū kāp ė priekiu pasaulėnie rinkuo
Ėšsėgėmė tipā kuožnam žingsnie riuogsa.