Saulė pakėla ont dongaus kraštelė
Rauduona, rauduona kap saldi braškelė,
Sukėla paukšte, vabala, mosės
Genielis kalen laiška, ont berža tuošės.

Raskėlu lapus kap tėkrė baseina
Mažuom skrozdeliem praustėis tep faine,
Atšliauž ėr kėrmėns, galva pamėrka,
Kad būto žvaliesnis, ka lėps i vasėlka.

Vėsos krūmalis kap rėndielis verd,
Vuora sukėlė tinklus jau verp,
Eglė matoujės mėgluos koskelė,
Pelieda galvuo kor nakti sumedžiuojusi padiejė pelė?

Kor daugiause saulelė trypė žuolelė,
Išsėrpa pėrmuoji rauduona ougelė,
Ėr paskledė kvapa neapsakuoma skani,
Ruods gali oustytė ėr oustytė kol apsėsoks kramė.

Če tėkros ruojus tėkrė stebūkla,
Nesinuor niekor išetė, o tik būtė ėr būtė,
Vėskou matytė, pajostė, užoustė
Če Dieva duovanelė, katruos nieks negal įkainoutė.