Pasuogas skrīnė atidariau slapčiuom,
Išskrėda bėtēlė darbininkė tomsuo.
Pakvėpa kadagiū dūmas, rīta žara,
Ėlgesė puoteri nešdams alkierius.
Cedruona opie skōmb, vėrp vārps,
Vaška  vėdraliūs plaikstuos lėipsna.                
Paslaptinguos praeitėis gārso lek,
Pasuogas skryniuos šėrdelė jāuna.
Jaunuosės veliums, lėna jopēlė,
Margaspalvė, longouta koskēlė,
Skuotertė mareškoutas kraštās
Kor grublietas ronkas glūdiėje kadās.
Smėlkst kadagēs, ėlgesē raštās,
Prasmēngi jaunīstės takelē ėr kelē.
Basakuojės vaikīstės, medpadžiu
Švėntas piėdas atsėver asluon sumintas .
Kvep, alsoun senuoje praeitėm,
Jōukas kōmpe pasuogas mērga.
Žvālguos, ėlgas ėr lauk... - Vō kuo ? Nežinā,
Pasuogas skrīniuos šėrdēlė jāuna?
--------------------------
Tavā ronkū, rokundas ėr puoteriū
O gimtuoji Žemaitėjė, o žēmė, švėnta.