Ach, tep daile ēr poke sning.
Golas borbuolės ont laukā
Baltē    snēiga  apdēngē  Tavā petius,
Dabā tuoks nuostabos, dailos ēr  joukings,
Tep mitre kolniouji par baltā erdvė...

Kažēn kas to tuoks? Vo kōr to tep skobi?
Rasēntas  prilēipas, kōr  mōna trobelė...
Ēiška monēis  tēnas, kor išsiskīriem.
Mosēntas  tēn tēk  lēipa siuoboun,
Plēkas šakelės drebėn potamas viejē .

Paveiziek, aš paskom tavēm  šlobouju.
Speigs didele gel basas kuojēs.
Negalo paskobietē, veizo kap če poikē.
Va tēktas  kōr ta trobelē palėka?
Matau, kap to sostuoje pri lēipas.

Toštē, toštē baltoun gimtējē laukā
Anūs lābā daug vēitas, nieks neatims.
Pavejziek , tēn, kōr siouboun lēipa,
Bova mona trobelē  karto so kūte.
Tēnas mes,  karvelēs ēr paršele guliejuom...

Vo praējus tris šermukšnius tavuoji.
Šalēp bova prūds vēins, kēik toliaus kėts,
Po karklīnas  dēdelēs pelkēs,
Poikos suodnos  pēlns vobolų.
Dabā vēskas balta koskele uždēngta.

Kōr  tēn tep ieni?- palauk monējs esiau abodo...
Aš labā gerā atsēmenu kap mīlsījuom
Tēn, miškelie netikruo  trobelie...
Iškada, tuos svajuonēs neišsēpēdlē...
Mona kelielis pasēsoka kēta linkmē.

Vo daba matau tavēm  mitre kolnioujonti
Sustuok, pasirokousiau, rastas atsiminsi .
Tēik tuo, šauko Tavēm, bet to negērdi,
Tēktas viejs barsta snēigus ož akiū
Kad aš tavējs nepamatīčiau ir ...

Atsēsoki, tēkrā matau, kad to esi,
Bet, nesostuoji tik toliaus kolniouji.
Porkštaun viejs ēš mona ēlgesē...
Dovanuok, to ne, ne tas „Kuprielis“ ,
To netori smoiklele, apsērēkau...

Baltuo svajuoniū pējvuo...
Brūkšteliējau šakalelio, kor balta drobolē:
Monēj bova dēdele  gera tavēm pamatytē,
Šaukiau, noriējau pasirokoute.
Vo to nepanuorieje soprastē monējs...