X  X  X
                                                          
Tik spalis. Nē daugiau. Nē mažiau.
Tik šaltis. Lig kaulu. I šėrdi.
Ta savės jau nebipanešiau
No skausma – kāp no dongaus – gėrtė.

Ka medē būs plėkė ėr basė,
Vo vies kriuoks kāp vėskuo nostuojės,
Jau kelė pargrīžtė nebrasiau –
Lig kraujė soskėrdosės kuojės.

Lig kraujė sokondžiuotas lūpas.
Soskeldiejė delnā lig kraujė.
Be rēkala vedo če klūpuov –
Nelēs nieks pradietė par nauji!..

Nelēs nieks vėns ontra pažintė
Be veida, be varda – ėš balsa.
Nelēs nieks apėnt pargroužintė,
Kuo nikumat nebiprikelsi!..

Tik spalis. Nē daugiau. Nē mažiau.
Tik šaltis. Kāp peilis. Lig kaulu.
Vo rasint par tomsē nodažiuov
Beskėistontė ašaruos saulė?..