Vot, kuokėi šaunuole esam... Ėr viel pasėžymiejuom. Reik tik pamėslytė, tėik žmonių ciela vėina dėina tievynės labou ėr gruožiou darbavuos.. Gražėnuos, švarėnuos...ruods ėr dongus i tus darbus paveiziejės švėisesnis pasėdarė. Kap gera, kad natrūkst tuokių, kas pasėrūpėn, ką tuo darba pavasariou napritrūktom, jog kėtep ėr mums pasėžymietė pruoguos nabibūtom. Sakuot, gamta darba parūpėn, lapu, šaku pribarsta. Kas ba kuo, priš vieji napapūsi, bet kuoks maluonoms, ka tarp tū lapu krūmalie vėsuokiu spalvū bambaleliu gal rastė, vo je gera nuvykst, ta ėr stombesnė gruobė natrūkst. Veiziek padangū krūvelė sodieta, vo ėr tep vėsuokiū gierybiu gali rasti. Vo kam kuožna dėina daile nu dūšės tvarkytėis, jog vėsamė pasaulie vėstėik nieks napatėkies, ka lietove žėna, kor bambalius, torini ištoštėnus, dietė, če mums pardaug dėdelis galvuosukis. Tad ėr žyd visas gražesniuosės  gamtuos vėitelės spalvuotas bambales, kap kuokiuom gražiausiuom kvietkuom. Jog kėtep nabūs pruoguos pasėgėrtė, - DARUOM!!!