Kou skėras muotrėška nu butelkas...Pėlnuos, aiško, tošti ta jau nieka nabduomėn nie butelka, nie muotrėška...Aš ka lioubu dėdele sopykte ont savuojė, ta lioubu sakytė, kad etom butelka apsėkabintė, kuo če pri monės lend. Vo daba vėsa rimta sosėmasčiau, kažėn katra tuo dvėkuovuo laimietom. Vot dabar ėr sodiekem vėsus pliusus ėr minusus.

1.Energėja. Ana yr mūsa gyvenėma variklis. Muotrėška energėjė tik atem...Ta ana meilės, ta pu meilės dar apsėkabintė, sošalosė sošėldytė, vo je pats nabtori spiekuos, tujau vėituo  apkabėnėma kailėnių reikalaun... Vo kėik rek tuos energėjės, kol anus uždėrbi....Vuo butelka, veiziekėt, kėik prided energėjės. Užtenk vėina karta „Farus“ pasėveizietė, ėr vėskas aišku jau ba žuodžiu...
2.Kultūra. Ar esat nuors karta gėrdiejė, ka butelka rėitomes, ka par viela iš darba nomėi pareje arba ėr vėsa napareje. Ar yr nuors karteli balsa pakielosi, ka pasmėrdosės pončekas na vėituo mietuos ėr barzda jau kelės dėinas naskosta, vo pats - kap vakščiuojėtis bravuors....Ar yr kumet kuoliuojosys, ka lyg luovas nadatraukės novėrta šalėp anuos so vėsas batas. Jau geriau ana kontre kėnties vyra užontie lyg ryta ėr nadejous, ka par ėlga užmėršta bova. Nasvarbu, ka butelkelė nasugeb batu nutrauktė ir i luova pagoldytė, alė svarbiause vėskas apsėen tyle, ba škondala, ėr sosieda gal spakaine mėiguotė.
3.Ištėkėmybė. Ėr če butelka jem pėrma vėita. Ar esat kumet matėi, ka kuoks vyrs rytmetie ronka ištėsės prašo išmaldas douna, ka pavalgydintom žmuona ėr vakus. Vo diel butelkas ėr gėliausės jūras seklės, ėr aukščiausė kalna kluones palėikt.
4.Išvaizda. Juoks vyrs nier niekumet pateikės butelka kaltėnėma, kad ana pardaug pastuoriejė, ar kūna formu išlėnkėma nabtuokėi. Ėr skūra anai niekumet nasovyst, ėr bronge kainoujėntės kosmetėkas narek.Če tikta ketoris punktus tasomėnavuojau, bet jau ėr tuo užtenk soprastėmou , ka muotrėškuoms  jau rektom  darytė rimtas išvadas, ėr pradietė permainas.