Regio aš tāva abrozdieli
Kompiuterie ėr vėsa drebo,
Per kiaura nākti šėrdi gielė,
O vakā pyka:\"Māma, skrabi!\"

Nes aš kap ožčerieta nākti
Patomsie laidus grabaliuojau,
Atsitrėnkiau i duru stākta,
Adyna ont grindu voliuojaus.

No velnė ėšmėsls ta dėžālė,
Bet gėmė meilė per atstōma.
A tik nenusisoksio krāmės,
Bemislydama, a to mōna.

Jok tėn- tuo dėdeliausiuo mugie
To gali pātė sosėrāstė,
O toukart bus mon šėrdėis smūgis
No tokiuos begalėnės zlāstės.

Jautous kap kuoki katie sbraina,
Komet pelēlė tou vedžiuojo,
Nes pėivuos pažintiū tēp faina,
Kap katie tavėm aš medžiuojo.

Ėr ėšsėvėipos, ėr laiminga,
Ka ėš vaizduoklė āki merki.
Atsėbodau, o to jau dingės,
Vo aš a tik nebūsio knarkus?...