***
Ka bus pasulis viel sotemės,
Padovanuok mon spalvū puokštė.
Nesvarbē- no dongaus, a žemės.
Tēp rodenėškā kažkuo truokšto.

***
Patėkėjau mintis rodėns tylā,
Beržou, katras vėrp no viejė.
Patėkiejau ėr nenusivyliau-
Ons mon sava skausma ėštyliejė...

***
Spalvū sėmfuonijuo šuok valsa
Rodenėis gieluos paragavė
Tėi klevā...Bet, veiziek, paėlsa
Ėr apdarūs soklopa sava.

***
Viel lytos lyn,
Viel sapnā pėlkė
Ėšbieg mėgluotas kelēs mintiū.
Viel lytos lyn
Ėr nieka nebier,
Kon apė anou nebatmintiuo...

***
Sošalė lapā šnar po kuojuom
Ėr lėipsnuom dongos deg.
Vėinatve savėm paaukuojau
Neteiravās, a rēk...

***
O paukštiu skunds
Padongiem sklaiduos,
Jau ėšskrend anėi
Ėš gėmtėnės.
Ėsėsmelk šėrdin klyksma aids,
Lyg anus būtiuo
Aš ėšgėnus...