Pėlkėms opalems lėptelius dėrbėni,
Senuoms gėismeliems bėrbynės bėrbėni!
Vėrp žēmės gyve, nu tāvės pavārgė,
Cėrp dongaus paukšte - joudė ė margė.

Kėlbokās bokās karuosus gondėni,
Kuožnam prūdalie somėiši vondėni.
Pypli nutvierės, klyki pri tāka,
Ka sogavā lydēka!

Baisiausēs niekās žmuonelius trokėni,
Vo tāva ruodas kel krāmės sōkėni.
Še - gruobk rūgšta pėina ozbuona,
Sriebk -
             ė bėldiek ont šuona!