Vėišniems žydont viel atkieliau karklės-
Pakinkiau i žygi sāva arklius.
Petruonēlė - kap pėivelie smėlga.
Mona šėrdės anuos pasėėlga.

Kas, ka žanuota,
Mētu tor šmuota?
Nu vėsa svieta
Nier pakavuota!

Vuožuojo pri glousnė kriāva-
Džiaugavuos, ka Juonis išvažiāva.
Apsėžvalgės, ka nieks neveiz nu kēlė,
Apkabėno sāva Petruonēlė...

Kas gal užgintė
Apsikabintė?
Kas gal uždraustė
Mon prisiglaustė?

Pajiemiau botelka, ilėpau i vāži-
Ė jaunystės spalvuom mintys nusėdāžė.
Vargā ė rūpesnē vėišniems žydont baigies!
Tik nepastebiejau, kap apējė snaibis...

Knapso - sapnoujo,
Ka nebvažioujo:
So Petruonelė
Luovuo borkoujo.

Pabudau - matau: saulēlė daile leidas,
Vo nu koisiu mona arklē baiduos.
Gaspaduorio tompė vėsa dėina,
Atgal pārvežė i mona patėis kėima...

Mona svajuonės-
Vėinas kuoruonės.
Nebepataikau
Pri sāva Petruonės...