Po kėima snėiga vuola pūga šuok
Ė kap baronkas viepotėnius raita.
Nuors to pro longa veizys, bet žėnuok -
Pri tāvės nebipaslenko ateitė...

Kėik galio valkiuotėis? Ka nueino - vės tėik
Mon nikumet neleidi išsižiuotė,
Ė meilės žuode uždarytė lėikt,
Katrus pas dėina spiejo sogalvuotė.

Nu tāva tauškalū mon senē krāmė spėng:
Tik žanytėis - ė daugiau nieka kėta!
Kėik kartu tau sakyt nuoriejau: bėnk,
Susėkėšk tuokės biedas sau į krėtė!

Ka vakarė pri pečiaus kailis skrabs,
Aš apie tavi daugiau nebgalvuosio.
Juk kriāva nōgara ištėisins tiktā grabs.
Tik katras kriavs - lig gāla nežėnuosiav...