Če, kamė vėskuo pradė. II

Santrauka:
Šiaurės žemaitiu telšėškiu patarmie.
Če jau vardā pribrinda senē.
Ėr ni žuodiu jau, ni dainū
Nebgėrdietė... Vo skausma genē
Vuos neprakalė smagėnū.
 
Laiks – i nieka. Vo dongos – rasuoms...
Dā no vakar. Nuors ėr žvalgaus,
Kamė mes – a kėts kėta rasem
Omžėnībie?.. A veikē itrauks
 
Lėpnos gintars geltuonas sruovies?..
Nuors tuo sruovie – „vo rasint“,  „vo gal“...
Bet jau vėskas – skaudietė liuovies.
Tiktā genē dā sapnie kal...
 
 
 
zoikatis

2017-03-15 21:14:45

Įgarsinimas

Komentarai

Atsiprašome: komentarus gali rašyti tik puslapio vartotojai. Registruotis

Moderatorius (-ė): Ažeras

Sukurta: 2017-03-16 11:21:00

Nors ir liūdna, bet jauku.