Aš Tau žvaizdeliu prilasitiuo,
No kor To anas diesi?
Jau geriau tablėzg tap lėg rita –
Siediesiau ė veiziesiau.
 
Tau mieneseli nokabintiuo,
No kor To anon diesi?
Pasėkavuos ons da priš švintont –
Tėk tėik ė baregiesi.

Viejeli  drungna Tau sogautiuo,
No kor To anon diesi?
Sovels pripoulėis Tavėj plaukus,
Ka To ė nanuoriesi.

Gal savi Tau paduovėnuotė,
No korTo moni diesi?
To tuoki jauna,daili tuoki –
Aš priš Tavi kap... biesos...