Iškuokēm kėta kēli tik tudie,
Ka kituos išeitīs nebie.
Ka nebie gīvēnimi prasmies,
Ka rēk viskõn keiste iš esmies.
 
Tik keiskimies ne dil kitū,
Ne dil draugū, a dil artimū.
Keiskimies tik dil sāvis patīs
I laukēm, kol laimi mums kēli nušvīs.
 
Pašaukėma padiete žmuogū,
I visumet užkėrsti kēli bluogiū.
Padieti tīms, kam bieda benutėka,
Rāste tīsuos kēli, je tuoks pas žmuogu da lėka.
 
Pašaukėma svajuote i tikiete,
O svarbiausē – išmuokte mīliete.
Išmuokte suvuokte i prijīmte tīsa,
Net tomsumuo gīvenema  ižvelgte švīsa.
 
Prašiau pašaukėma  gīvēnte,
I nuors trumpam kasdinībes ognī  rusēnti,
Nuors trumpām pabūte vērta dā laika žemie,
Kol dā jauna, i laiks supraste gīvēnema prasme tebie.