Saulės geltuona ronkēlė
Gluosta žuolelės ė smėlgas.
Žīboriou žėida jau keli
Pakelies, šešielēs ėlgās
 
Strajėjės asla, per dėina,
Vies ruodavuojės so paukštēs.
Snėigėna luopa — ni vėina
Jau nebēt rāstė, tēp aukštā
 
Rėtas saulēlė, ė ronka
Spindolė kērtės aprieda.
Kuožna pavasaris lonka
Veiziek, ont kelma prisieda
 
Vuo ož mėnotas, ont taka
Mitrē railiuo — neprigintė...
Isiklausīkēm, kou sāka
Po žėimuos — tieviškė gimta...
 
Kamilė Kaklytė 2015