6. Sokėlėma prīšaušris

Tautas kāp ė žmuonis, tranieroujės šuolems –
Kāp tuoliau gīventė – sprėnd šėrdies atgėjė,
Rēk galoustė dalgi pjautė ne atuolou,
Vo ėlgā kėntietā carėnē vergėjē.

Šešėsdešim tretė dvarū žmuonis maigė
Darbū ė svajuoniu netėkietās sriautās –
Priešintėis sokėla, ramės dėinas baigies –
Nuor carėnė tvarka tojau pat sogriautė.

Lėnkams ė lietovems bova isėpjuovė
Rusėjės kuorėkā blėzgontēs mondūras –
Savvalė dėdiausi – padlaižiū švėntuovė
Baudžiava ė ronkuom, ė mintims sokūrus.