Vies nekošėn mona šėrdėis,
vies nerušiuo mona dvāsės,
tiktā sparduos kāp notvėlkīts,
tiktā duodas kāp patrūkės.
 
Medes bieg — lėikt lāpu piedas
litaus skaruom oždongstītas —
nepasliepsi, kuo nebie jau,
nuors par dėinas mėgluom žīdi. 
 
Nepasliepsi sāva jausma,
nuors ė kāp škaradītomes —
jau nebie žaloma saugė,
tiktā naktū joudė spīgle.
 
Anėi kiaura lend par pāti šėrdi
pėrštu gīslom mitre bieg:
nebžėna, a ruoduos, a tėkrā gėrdi
requiem tīle kāp artie.