Sojoukėna moni šėndėin anūkė...papasakuojė praėjosė savaitgalė nuotykius.

Savaitgalie, kap vėsumet, anūka sied pas baba. Vo baba anūku par daug nalepėn, išmaišė blynu tešla ėr blynus lėipė keptėis patims. Anūka savaitgalie kap nu lėnciūga palestė, tėik daug vėsuokiu reikalu par savaitė sosėkaupė, nier laika, kada večerė pavalgytė. Vo baba užsispyrosi, nakep blynu ėr gana. Jau vinioulėkta vakara, nier anūkelems kas darytė, toščiu pėlvu mėiguotė neisi, rek keptėis tus blynus. Iemė ėr kažkou naitėka babas keptovė, tad anūkielis nusprėndė so poseserė nukolnioutė lyg nomu ėr atsėneštė sava keptovė, mat ana lengvesnė esonti, ėr blyna kėtep apskrundontys. Vo tėn jau vėsė mėiguojė, kap ėr priklausa normalims žmuonėms. Įtykėna anūkielis pėrštu galas, ka nieka napažadintom, pasieme keptovė, ėr jau tykyns laukon. Tik batus reik dar apsėmautė. Vo kap apsėmausi niekor naatsėriemės. Atsėriemė...tėise į doru skambuti.