Mana krašta lygumos žalios,
be kalnu, kalveliu, be ištvinusiu ūpiu.
Srūv i griovs tiok mažučė upelė:
Juodops, Viršyc da i Švitėn gi mūsu.

U arimu platybės — be krašta —
kiškiu pėdom nusėtos mažučės miškelės,
kelios stirnos kavojes Beržynė,
da Pudžiunmėšk, Degima karklalios.

Gerviu pievom garsėj Baltaityne,
jom i Niurbala sav ligi valios,
Grūbos klyk acisveikėt pakilė,
šauk pavasar i Kviadaru žemė.

Nu gimima artojė žinoje
Bruverynė, kor Murnika mūrė,
Tiok pradionga Alksnyčė, Šiaudinė,
i palaidutos sienos Satkūnu.

Pinkevtynė susėsėm pu liepom,
i kvepės avietėm da Šėlios takelė,
bet pareisėm pru užmioršto Ūkė
i Žvirblėns — apkabyt ožalo driūto.