XIV

1945 – 1955 m.

Aukšts Vaseris)1 aikštie kamuli krepšėnė
Liuob nedaug tešuokės tvuos i krepši tėisē,
Kas anou muokīkluo kėik daugiau pažėna –
Būtom neatspiejės i kou ronkas tėisas.

Metā pragīventė pri spauduos abrūsu,
Ėš raideliu siovont netėisuos peroka,
Stėlio tēp nodruožė, mintis tēp išprosa,
Ka ruomanāms kortė nieka jau nebtrūka.

Vo išlēstas kningas tėkras laika vielės –
Mėrosės ė gyvas so tavėm pruovuojės.
Muosiedė pilietis no pat Šatiu kėlės
Drousos, nepabūgės ni kuokiū pavuoju.

A. Vaseris – rašytojas)1