1967 m.

Tuos šeimuos dėdingas palaimingu galiu
Lėka dā ė miestou Muosiedė patėrtė
Auga Rimantielis)1 – muokies, eilės kalė
Kāp vėsė muoksleivē, kāp vaikiokams skėrta.

Trėnont klasės soula daug kas pasėruoda –
Maties vāks palinkės so meno bėndrautė.
Muotina, Adelė)2, tarė tvėrta žuodi –
Nier kuo prieštarautė prigimtėisėms srautams.

Lai praejė metā po pasauli gromas –
Rimants muosiedėškems notapšnuojė Inta –
Pabarzdie drėižielis, šīpsolīs geroma,
Kor Vacīs muokiejė sotėktėms dalintė.

Dėdėlėijē žmuonės netelp sava kapė,
Tarsi bangas sklīdor anū šluovies aura,
Bet miestelė vaizdou, tēp platē prašapos,
Rimanta paminklos kāp laimieta taurė.

Kas tik nuor pajostė žmuogėškōjė siela,
Nerēk daug skaitītė, nē kor tuolėi eitė –
I skulptūras prasmė jausmās isėvielės,
Inta pamatīs ons gīva sava vėituo.

Rimantas Eidiejus –skulptorius)1
Adejė Vaškytė –Eidiejienė)2