Kas če tik šėndėin bus?... Da tuokė rytmetė nie sava dėinuo par mona gyvenėma nabova. Ka koisys pagal ausis zyz, ta bova, na vėina karta bova, veiziek ėr baikondės kor i mažoji pėrštelį ar dar kor kėtor, prižadėn dar saulee natekiejos. Vo tėi šonys kuo tėik draskuos, bėški pritėlst, veiziek, ėr viel iš naujė ermyderi kel. Mosiet kuoks šou kam nuors nu lėnciūga nutrūka, ėr laksta luodydams. Prižadinta iš mėiga na kor diesys, kėik pasėraičios rek keltėis, ar če baapsėmuok ba čysta reikala po luova valiuotėis. Šonelis ėr raituos ont grindų kėik ėlgs pakrėtės, šėlta nabagou, kon mėslėji so tuokes kailėnes...Gal jau ta gaspadėnė sosėmylies,  i lauka jau reikietom. No gera, enam i ton lauka. Vo če, vuos tik doris pradarios, laukėnis balondis ūūūūūū, ūūūūūūūū, ka baūbaunos, kėik tik gėismie led...Vo už kaima robežiaus ganykluo kažkinuo karvė kriuok kap pjaunama. Parejau so šoneliu i tuoba, mėslėju, pasėjungsu kompiuteri, paskaityso, kas pasaulie naujė...Ėr tam vėntiliatuorius vėso balso pasioto kauktė. Gera, ka gret apsėstuojė... Siedo ėr mėslėjo, kas če šėndėin par duo dėina būs, ka vėsė nu pat ryta tuokėi naspakainė... Vo kap tau atruoda?...