Kas būs, kas nebūs
Bet žemaitis nepražūs,
Ka ė krėzė aplonkys,
Bet ons y kap tas luokys.
Ka ėš ėrštvas išruogliuos,
Nebigrūsi atgaliuos...
Gali tiktã gerumu paveiktė,
Paausy pakasytė
Ė nedėdelia peiktė,
Skãnė cėbolynę padarytė -
Tik ėš sėlkių galvūm ė cėbolių,
Nes rek taupytė,
Kap ta valdžia saka:
“Nerek gertė ė rūkytė,
O ėšmoktė dėdelia taupytė,
Ė da mokesčius vėsus mokėtė..“
I mosint tiktã sava apvaizda tikėtė,
Ka gyvenėms pagerės
Ė obaga terbos su lazda nerekės...
Ė gal da Vakarã padės...
Vo koks tikėjėms y
Ont žemaite dūšias-
Kap obuols užsimezgės
Ont griūšės...
Ka neprapoltė-
Rekės i anam išmoktė,
Kap tam luokiou leteną čiolptė...