Kāp baise ėlga, kāp baise kontre
Rēks laimės sāva ėiškuotė.
Lėkėma kėitė rieš ponte
Tāva ronkas ė kuojės.

Kaltiū vinimis, tėisuos kūjātes
Prė gyvēnėma kāp prė kryžiaus prėkals, -
Dėinū vežėmus vėlktė prėprāsi
Pakol ākis pabals.

Ėlgė ėlgė laukėma šešiele
Tāva akis ėšies.
Zmuonis bedvase, žuode besiele –
Nepagous nieks.

Bet vės tėik:

Kol gyvenėms lėkėma rėit bieges,
Būsi sau - Pondėivs.