3.Geomētrėjė

Tylė žėimuos peizaža,
džiaugsmā paukštiu laukėma.-
Šėrdės ne vėina žemaitė daužuos
kāp musielie vuora tynklė ėkrėtusi.

Et vėsuom pusiem ė takās,
bieg paskou sāva lėkėma.-
Bet vėsė sositynk tik kapūs,
nuors ėr apsymet, kad tuo nežėna.

Tošti gālva ė rata:
kou pasėdieje – nelėka,
tik kompė nomyniuotė bata,
bet ė tėi jau no kuoju atlėkė.

Ėš vėsa tuo aiške matuos:
gyvēnėma trasa yr apskrėtėmus.