Užkėba mon žuvelė stebuklinga
I saka mon: “ Ko nori liorbi to?
A nori, kad padarytiuo tavi laiminga?
A tikta nori piningų?“
Sakau, mon nerek daug,
Bet bėški rektų-
Tas mona trobas patvarkyt,
Paskiau, norėtiuo „Žigolioką“ ont
„Mersedesą“ pamainyt.
Norėtiuo da keliaut po svietą
I niekam nieką nemokėt,
Į Niagarą paveizėte
I Afrika pasigerėt,
Kad visi aplink moni šokinėtų,
Kap rekalaun tas etikets,
Netyčiom užete į Baltūsius rūmus
I su Obama pašnekėt
Apie pasaulią atšėlėmą, madas i
Gėrimus, mergas...
Kažkas, kad voš mon palei skrondį:
-Neknark, -gėrdu tikta vėl aš.
Pradinga mona sapnų žuvis,
Tik galvuo lėka ratilã.
Daba gailous, kad nespėjau pasakyte,
Kad i piningas mon būt gera!