Po kėima snėiga vuola pūga šuok
Ė kap baronkas viepotėnius raita.
Nuors to pro longa veizys - bet žėnuok:
Pri tāvės nebipaslenko ateitė...

Kėik galio valkiuotėis! Ka ateino - vės tėik
Mon nikumet neleidi prasižiuotė,
Ė meilės žuode uždarytė lėikt,
Katrus par dėina spiejo sogalvuotė.

Nu tāva pliauškalū mon senē krāmė spėng:
Tik žanytėis - ė daugiau nieka kėta!
Kėik kartu tau sakyt nuoriejau - bėnk!-
Susėkėšk tuokės biedas sau i krėtė.

Ka vakarė pri pečiaus kailis skrabs,
Aš apie tavi daugiau nebgalvuosio.
Juk kriāva nōgara ištėisins tiktā grabs.
Tik katras kriavs - lig gāla nebžėnuosiav...