Rytmetie par lēda pluona
Nustreipiniavau pas Vuona.
  - Vuonēlė, sokorkiav šeima,
  Kelkiavuos i tāva kėima.
      Vėina pražūsi:
      Senmergė būsi!

Vuona pajiemė mėntori:
- Pėkčiau, a sarmātas tori?
  Ėiškā meilės ė pastuogės
  Iš pat ryta prisispruogės?
      Kėbsio i plaukus -
      Vuolykės lauko!

Veizo - aple Mopsė būda
Po baltūju ė so tūbās
Jonkaus Juonis ėiška šākės:
  Pols ont mōnės kap patrākės.
      Keravuos Vuona -
      Dors mon i šuona!

Kol nubiegau pas Tamuošio,
Snėigė pametiau kaliuoši.
  So draugelio gerio borna
  Ė rokoujous: Vuona - dorna.
      Grānkės prigersio,
      Juoni nutversio.
      Pārdorsio, smāka,
      Par pāti māka!