Ka bovau aš jauns vaikielis,
Ryta mēta atsikielės
Liuobo eitė paklajuotė
Ė panieliu pamediuotė.

Daba aš jau sens, soskrābės,
Katram der bikuokės bābas;
Ale lėka nežanuotas
Tiktā kriāvas ė nujuotas...

Tumba tumba
Tumba tumba
Moni vėsė
Stumda stumda

Štyvs bovau kažkumet vaikis,
Liuobo peštėis kāp paklaikės.
Vėsė gērbė ė bėjuojė,
Kor tik kieliau sāva kuojė.

Daba, pasiriemės lazdo,
Vėins pri šalta pečiaus bezdo,
Ė bebėjė daba mōnės
Vėštas, katėnā ė šōnis...

Tumba tumba
Tumba tumba
Moni vėsė
Stumda stumda