Parsisiųsti formatu

Impresijos iš vaikystės

Vidmonts Anožūtis

Impresėjės ėš vaikīste

Naujuo vėituo

Bovau kuokiū trejū metu, kumet parsėkraustiem i kėta vėita gīventė. Reikiejė ėštėrtė, kas ė kāp. Ėšejau i kėima. Bavakštiuodams veizo – kaimīnu mergatė pri truobā basiuntonti. Tiktā rokoutėis ana dā namuokiejė. Ta kėik laika draugū natoriejau. Bet kumet ana ėšmuoka rokoutėis, sožėnuojau, ka ana ī Muonika. Sosėpažėnė pradiejuov poikē sotartė. Kuo tiktā nalioubsev prigalvuotė! Ė kuokiū nutėkėmu vedom nalioubs nutėktė.


Rauduons šou

Kažkumet luoterėjuo ėšluošiau rauduona žaislėni šonāti. Kuoks čia šou – rauduons. Dėdėlē ons mon natėka. Nutariev so Muoniko atsėkratītė anou. Pasėiemiau žėrklės, pasėsvadėnau šoni ė kap kėrpies apkėrpau. Veizau –  bova bjauros, bet dabā dā baisesnis palėka. Tumet ėšmetiev ton bjaurībė par tvuora. Kėta dėina nuejuov paveizietė, a bier ons. Veizau – tošti vėita. Vėina laimė, viel galiejuov ramē žaistė.

Kars diel   kiaušė
Vo par kiauši ė sosėpīktė teka. Bova tēp. Bavakštiuodamė pagelžkelio, čiut kiauši neprimīniev. Sosėginčėjuov, katruo ons ī. Muonika pakapt ton kiauši ė tekėna nomėi. Vo aš sopīkės nudruožiau i sava truoba.
Kėta dėina sosėtėkuov so Muoniko kėimė. Pīktē bova ėšgaravė. Paklausiau anuos, kor ton kiauši padiejė. Muonika papasakuojė, ka māma ėšgrūda so vėso kiaušio pro doris ė lėipė ėšmestė laukon. Tas kiaušis pasmėrdės bova.

Kas bova - napražova

No iduomi bova ta vedoms vaikīstė. Veiziejuov, katruo dvėratis stėpresnis - aš tik bėlst Muonika i šuona, ta ė gol vėdorie kēlė. Vėina laimė, nasopīka.
Kėta karta ėš Muonikas močiūtės medėninka bjauriausius rakondalius ėšvėlkuov ė sotėmpiev i mūsa kėima. Gerā, ka nagavuov par staibius ė par rėitus so rīkštėkė.
Da kažkumet partėmpiev dėdėliausė mēdė šaka ė kėimė padėigiev kāp miedi. Ons tėn do mienesio prastuoviejė ė baisē poikē papoušė mūsa kėima.
Vėskuo bova. Vos so Muoniko ė dabā tabesau gerė draugā. Rasi kumet bendra knīgan parašīsev apie sava vaikīstē. Kas žėna.

Vidmantas Anužis, VŠĮ Pranciškonų gimnazija 5 klasė

2010-03-03 14:09:13

semema	Parašė komentarų: 4080	2010-04-28 14:56:10
Nuostabios tavo impresijos, dar ir girdėjau , kaip pats skaitei tėkrs rašytojs

Visi komentarai (3)