Kėikvėinam – savs kels

Santrauka:
Maždaug priš pėnkėsdešimt tris metos Prišmontiūs givena tuoki šeima. Auga ketorė vakā: Pranoks, Stasioks, Bruonēlė ė Bėrotēlė. Anėj bova vėsė pametėne ė veins kėta liob priveizietė. Bėrota bova pati mažuoji, ta diel tuo velniu prijiedosi. Liob nešvarius skodorus somestė pri išpruosavuotų skarų, soplišosės žekės sokėštė i šiepāli pri socieravuotų ė da visuokių biesū pridėrbtė, vo kalta liob palėktė vyresniuoji – Bruonēlė. Mažojė rekiejė keravuotė – liob so šėrdė bluoga būtė. Vo kap ėš tėkra – kas žėna.
Kretingos Jurgio Pabrėžos gimnazija
Birutė Šidlauskaitė, 3a klasė
Maždaug priš pėnkėsdešimt tris metos Prišmontiūs givena tuoki šeima. Auga ketorė vakā: Pranoks, Stasioks, Bruonēlė ė Bėrotēlė. Anėj bova vėsė pametėne ė veins kėta liob priveizietė. Bėrota bova pati mažuoji, ta diel tuo velniu prijiedosi. Liob nešvarius skodorus somestė pri išpruosavuotų skarų, soplišosės žekės sokėštė i šiepāli pri socieravuotų ė da  visuokių biesū pridėrbtė, vo kalta liob palėktė vyresniuoji – Bruonēlė. Mažojė rekiejė keravuotė –  liob so šėrdė bluoga būtė. Vo kap ėš tėkra – kas žėna.
             No vo, vėina karta diel tuos bluoguos šėrdėis  anou novežė i Kretinguos lėguonėnė. Tėnās ana praguliejė vėina mienesi. Vuo paskiau rekiejė ētė i muokiklą, o muokies Kretinguos gėmnazėjuo. Tūmet ana bova pėnktuo klasie. Bėrota baise nepaslinka muokitėis, ė, aiške, ne kū basoprata puo tėik laika. No kū padarīsi? Liob keltėis ė ētė ont autuobusa i Prišmontiū sostuojėma galva nudūrusīs, vo iš muokīkla liob  paržingsnioutė linksmēsnė. Tēp ējė adīnas..., savaitės...
Vėina dėina mamālė somėslėjė Bėrutele batus nopėrktė ė ėšsėvežė ė Palonga. Kėta dėina,  jau tamė laikė puo pamuokū, Bėrota veiz pro longa – takalio auklietuos parēt. Vo a žėnuot, kas bova anuos auklietuos? Na bikas, o dėdele vėsās laikās  nosipelnis, rūpestings moukituos  Kājus Garška. Matā – tėkra  Garška so portpelio. Vadėnas, so vėsas dokamėntas. Bėrotēlė šarpe ožsklėndė doris ė somėslėjė naisilestė. Auklietuos paklėbėna doris – ni šapielis nakrot... Tik veiz muokituos – paret tievs so muotėna ėš laukū puo darbu. Muotėna tujau ėš tuola pradiejė sakītė:
– Vāks vėina dėina muokīkluo nabova, važiava bātu pėrktė, vo jau tūjau ėiškuot.
Tumet paaiškiejė, ka mažuoji dokrēlė jau vėsa mienesi nēt i muokīkla. Vo ėš kor tievā žėnuos? Tās laikās juokiū tamo.lt a da kuokiū pričiūdu nieks nabova išmėslėjis. Vo pažymiu knigēlė ( no jog žėnuot!) vėsūmet auklietuoje būn sorinkė arba anėi ėlga serg.
Padiekavuojė tieva auklietuojou už bluogas naujīnas ė noejė Bėrotas ėiškuotė. Rāda kiauliu gardė pasėkavuojosė ė nosėkriuokosė, bamėrštontė žemīn ėš baime. Tumet vėskas išaiškiejė, diel kuo ana parvažiavusi iš muokyklas vėskū žėna: kor bova greituoji, tėnās gaisrinė atvažiāva, tėn milicėjė stuoviejė, pri torgaus aikšties avarėjė, krautuve ,,Krėmlėnie“ eilie stuoviejė pri šlapiankas dešruos, ont kuoki kompa kas sosėmušė...
No kap nažėnuos, jog par vėsa pamuoku laika liob po Kretinga trintėis.
Kad ė gava i skūra už melagīstės, palėka pėnktuo klasie ontrus metus.
Vo kas bova tuoliau?
Gerbams muokituos Garška ė tuoliau stengies vēstė vėsus sava muokinius duoras muoksla ė žėniū kelēs, vo Bėrota muokslus paskiau pabėngė,  apsėžanėjė, vo būdama kāp ė vaikīstie velniū prijiedusi ė virou, ė sūnou primačėjė teisės muokslus ėšetė. Ė dabā vėsor vėskū žėna, ir vėsuo pamėlėjuo patė pruotingiausė ė vėsuos pamėlėjės galvuoms vaduovau, līgu kėtė  kuokėj būnke a somašedčika butu.
Vo tep!
birutes

2013-03-10 09:01:34

Komentarai

Atsiprašome: komentarus gali rašyti tik puslapio vartotojai. Registruotis

Komentarų nėra...