Api prūsuokus

Santrauka:
Senē tas bova Mitrāvas suoduo. Truobas pabuokie varginga pastatītas, plīšē solig špīgas dėdoma i daržalius veiziejė, vo sėinuos čežietėna čežiejė prūsuoka- no tuokėj geltuonė vabala so sparnās. Vo užveisė anus mona babūnės kaimīnė.

Kretingos Jurgio Pabrėžos gimnazija
Birutė Šidlauskaitė, 3 g klasė
Senē tas bova Mitrāvas suoduo. Truobas pabuokie varginga pastatītas, plīšē solig špīgas dėdoma i daržalius veiziejė, vo sėinuos čežietėna čežiejė prūsuoka- no tuokėj geltuonė vabala so sparnās. Vo užveisė anus mona babūnės kaimīnė. Somėslėjė: je pri mūsa ir – būs ė pri jūsa. Atnešė niekam namatont īdiejosis i degtoku diežālė ė padiejė ont šiepāli. Teip ė privėsa tū smakū cėnknieres. Dėina anu neliob matītėis, liob sosėtūptė kerties ė ont lobu. Vo kas tumet veiziedavuos i lobas kāp i smorgli- tam laika neliob lėktė. Babūnė bova ožsiiemusi kėtās rūpesnēs. No jog kuožna dėina kliokėna tou pātė bolvīnė. Kas anou žėna, a kėtkuo nemuokiejė, a napaslinka. Ėšvėrs muotinālė kātėla tuos potras, vo pati veizies i Vāš-ki posė, i Darbienu kēli. Je, mata- paret māšina. Rasi Ontēlė ėšlėps- večērė gatava. Pares ki-ta mašina, treti- vo sūnēli kap nie, tep nie. Par tu laika liob ė saulė atgoltė, vo prūsuokams – pats tas. Tomsie so vėsa gvardėjė liob sošuoktė i bolvīnė ė patis prisitašitė. Tik veiziek- On-tēlė, tas senvaikis, paret iš krūma ėšstėpės kap šova. Poulė ė katila, siemė somtēs ė šliorpėna i savi gėrdams: ,,E, ka muotinēlė napagailiejė kresnu, e, ka skane sokepėna.“ Tėkta rita mē-ta, ka jau galieje iveizietė, kas dedas aplinkou, išpliestuom akim veiziedams i lėkusė bol-vīnė, soprāta, kuokės skanės kresnas bova prūsuoka.
Tata tēp, nažėna, nu kuo svēks būsi...
birutes

2013-03-09 11:16:34

Komentarai

Atsiprašome: komentarus gali rašyti tik puslapio vartotojai. Registruotis

Komentarų nėra...