Ėšētė lēsk, a lēsk nomėrtė...
Tompau kap čemodana sunki,
Nors senē vuožuojau praspėrtė
Aš tavėm- tuoki sēna kliunki.

Ta meilė vedė tik i zlāsti,
Mon ruoduos, kuoki šimta mētu,
Jau ožsklėndiau tau šėrdėis sklōsti,
O rākta būsio jau ėšmētos.

Buobas maine kap čėguons arklius,
Kor tuoki padėvieta diesio?
Nebier žėidieliu- plėkė karklā,
Jau abongas jaunystės čiesa.

Žadietė auksa kalnā griōva,
Kapstās kap gaidys po šiukšlyna...
Kas bōva- amėn, jau pražōva,
Te kėta kep tau rytās blynus.

Ėr nedyvuokės tēp ėš mōnės,
Jau nėkomet nebūsiau dvėjau.
Tau rēk, žėnau kokiuos mamōnės,
O mōna šėrdy- laisvė vieje.